今晚,终于自己一个人系屋企睇完左<十分.爱>

剧情我就唔讲喇,相信好多人都睇过嗮喇,特别果D拍拖ing嘅朋友仔. 不过如果未拍拖甘岩又未睇嘅,个人觉得都系唔好睇比较好喇`

同两位主角对上一部电影同出一辙,<十分爱>都系用信任作为主题,只不过,呢次嘅信任,超出左爱情,更加包括埋友情当中嘅信任

系睇到最后一幕之前,我觉得都系 大力 比较好,够坦诚. 点知.......

其实呢个世界系咪都系要互相欺骗,人同人之间嘅关系都要靠大话来维持嘅呢? 但系我地,又有边个敢承认无对过身边任何一个人,哪怕系你最亲最爱关系最好嘅人都无讲过一句大话呢?

我捻可以甘做到嘅人的确唔多,至少我唔系.

的确,有时D嘢,你见到嘅,未必系真,真嘅,你又未必见到. 所以,有D嘢真系唔知好过知.

睇到最后嘅ending,我反而觉得,阿宝比较可怜. 佢呃住晴晴,系为佢嘅好朋友好,点知最后,落得被晴晴误解到绝交之余,更加得知另一个好朋友阿蚊对佢嘅利用......

女人,有时真系一种好恐怖嘅动物.

当然,男嘅亦都唔见得好好. 晴晴嘅老公自然唔使讲,虽然佢最后都系识得路翻屋企,但系有时D嘢,发生左就系发生左,始终都会爆发嘅.

原先我最为觉得性格好嘅,系大力. 可以系比人伤害之后,仲可以甘唔take it serious隔左甘耐仲可以继续去追翻阿宝.....点知,都系.....唉.

感情,好多时候真系一场游戏. 玩得起嘅,继续玩落去.玩唔起嘅,ok,买部psp玩咯

讲开psp,真系要系出粮头三个月储钱买部玩下先得喇. 努力喇,Ec仔~