|
|
| Sorry, your entry can't be deleted right now. Please try again later. |
7/21/2007 杂记几则 - 上个星期六晚同大伙去左幸运楼饮茶..,真系miss u guys very much!! 虽然震宇有事无来到,但系比我嘅感觉就真系比系公司舒服N多,虽然果晚我都比较攰......席间,我地都好似以前甘呢度吹下果度水下,时间过得好快... 哈哈,唔知到时会唔会真系有免费嘅充值短信收呢~~大头仔记得去做"快男"喇~~~哈哈哈哈.....不过,从我地之前嘅聚会都系开赌,或者去唱k,到而家嘅饮茶....会唔会从一个方面显示出我地已经老左呢?嗯,的确,老喇,22岁喇!所以某小怪物都要学 晖莉wang着住对高跷嘅时候真系记住小心喇....总理识得飞都救你唔到咖如果你唔小PX的话.......哈哈哈哈
- 呢个星期都系过左amendment果边做support. 虽然D人好多都唔系甘中意做amendment,但系我却觉得比系input team嘅时候开心不少~~ 如果唔系有时见到aggie姐甘惨,我真系唔想去翻过去做input~~哈哈,既然D人甘想要performence咯~~咪比嗮佢哋做咯...... 系度要好多谢amendment team嘅两位F小姐~~~fion 同fiona(唔系ff师姐,虽然我都要好多谢佢一入来嘅时候教我input),佢哋真系好热心甘教我呢个问题少年~ 同埋supervisor嘅gigi都好nice~~~ 不过唔知以后我嘅counter error多嘅时候仲会晤会甘nice呢~~ 引用我小学作文嘅名言" 通过以上的事例,我深刻感受到了 ".....其实 人工多同少对于我来讲真系唔 系甘重要,够钱比我食饭得闲买下书买下翻版碟就够~ 学到嘢都系次要~最重要嘅系工作时候嘅环境,可以比我一种开心舒服嘅感觉~~~哈哈,从来都唔否认我系一个情绪化嘅人哦`~~~不过从另一个角度讲,呢个都系D唔成熟嘅表现~~太细路仔喇~~哈哈....
- 好开心,因为好大机会呢两日就会入手港版嘅PSP!! 识得我嘅人或者都会知道我中意呢部嘢都几耐的喇,一直因为各种各样嘅原因无买到.... 岩出嘅时候就等破解,破解出嘅时候又唔够钱,储够钱嘅时候就因为各种各样其他嘅野(例如旅游)搞到又要重新努力.....终于,系我正式做嘢嘅第二个月,终于可以用自己嘅钱买到一部自己中意嘅野喇! 由细到大我都唔系一个物欲强嘅人, 屋企嘅环境未足以令到我想要 乜就有乜,所以好细个我就明白到有D嘢,唔系你嘅就唔系你嘅...... 但系,只要果样嘢系我中意嘅,我就会想方设法甘得到....P仔只不过系我嘅又一个猎物而已...... 好多嘢,得到之前仲系好嘅,得到之后,就当佢系草的喇...我有预感p仔都系甘...呢D可以从佢哋嘅家族遗传中得出(即系而家安躺于我屋嘅P仔前辈,P1&P2) 不过....... 因为而家未到手,所以都系好美好,所以到我真系买到果日,我都会好开心. 呢日系咪就系星期日?期待.......
- 不过呢排都miss左D嘢. 例如祖儿,例如我队曼联. 前排收到中移动嘅短信,话唔知参加乜活动就可以有祖儿嘅见面会飞..... 如果比着仲系学生嘅我,一定会疯狂发短... 但系...而家嘅我睇完之后,剩系轻轻甘按下del键..... 果然不出我所料,前两日就有几个同样同我有甘嘅taste嘅人问我去唔去睇,有D仲话可以帮我拿到飞添.....但系...我之所以del嘅原因...就系....我要翻工...无得去睇...与其拿到飞之后睇唔到系度扮猩猩狂DUM心口,倒不如当初就唔去知道..... 至于曼联,真系可能几十年都唔会有一次嘅访问广州,仲要fullteam,上季超联N料最佳嘅C7,英格兰未来之星嘅R10,同埋三冠嘅功臣G11S18...每一个都系我所中意\嘅球员(当然更大因素系佢哋效力嘅系我挚爱嘅曼联).....但系,点解你地偏偏要系星期五打呢?虽然系夜晚,但系我翻夜班......一个甘好嘅机会擦身而过,唔可以话唔可惜,更加唔好话我仲有张过期嘅学生证,可以享受150大元嘅"优惠"票价...... 不过,唔使惊,总有一日,我会亲自去到奥脱福,睇你地嘅! 加油喇,我最爱嘅红魔鬼!!
- 一年喇一年喇差唔多一年喇我都估唔到甘又一年喇但系边个又会知道可以一年呢一年有几耐一年可以发生几多嘢但系始终都系已经一年喇唔知仲会有几多个一年呢who knows?
Trackbacks
The trackback URL for this entry is: http://ecartman21.spaces.live.com/blog/cns!5DC3CBBFF2DDF58E!1205.trak Weblogs that reference this entry
|
Tools 
Help
